عندي صاحب ما تقارنش بلصحاب
صاحب واحد خير من حزب الناتو؟
هاذ الصاحب راه ليا عوض حجاب
عوني وقت الضيق وانا ميقاتوا؟؟
ذالصاحب تلقاه في الحزة نشاب
و قوس نتاع نڨار وجد ضرباتو
يسوا عندي الف وال الفين حساب
و مايقدر حساب يعرف قيماتوا
لو نعطي لك قيمتو كيما العقاب
موحال يطاطي ويكسر، جنحاتو
اذا روّڨ يغلب المخلب والناب
واذا فرفر في السما زاد ثباتو
شاعر ڨادر نعرف حديثه رتاب
في رمشة لعيان يحضر بابياتو
و للقبلة نلقى العنوان مع الباب
فتش يا سوال تدري تنعاتوا
ما نفصحشي بيه ونمد الجواب
في القلب نخبيه تخفى صيفاتو
ماهو مولى مادة ماهو كذاب،
و ولد سبع هذا مشابه لبواتوا
الدنيا من شاوها حجرة وتراب
وريح من الظهرة وراسل هباتو
خلوني هاني مع قعدة ڨصاب
بخماسي قلتوا مسرح نغماتو
شعري فالملحون ما يكفيه كتاب
وهيا لينا نحسبوا ماذا فاتو
ليست هناك تعليقات:
إرسال تعليق