يامن عينك غابت النجمة ومسات
ومن عين 👁حشموا عيون البصارة
من عينك موحال لا نبرى هيهات
نتلف في المشية ونبدى نتجارى
نتلخبط ونزيد، بلعاني خطوات
نعجل باه نشوف منك البشارة
يامن بحبتحتي حذا الكبدة بالذات
ومرحتي درتي من الربح خسارة
عاشق في، عينيك جاب القصيدات
واقوافي، فيها الشارة والمارة
زلبحتيني جبت من عينك كلمات
وحروف الملحون تقدي زمهارة
ماكي كي بلقيس من قصرك نقتات
نترقى ونعود ضمن الوزارة
ماكي كي ليلى تزوريني مرات
نخزر في عينيك وادور، الدارة
ماكي كي عبلة انوض لك ثورات
ماكي لا قعصوص ماني، شنفارى
انت شهلى عايشة بين الموجات
وانا من شعري، نسامي شعارى
هذي عشر سنين فيها ذكريات
يبقوا فالتاريخ لعرب ونصارى
من عينك آ جافية عمري تثنات
عينك مدفع سايقينه مكارة
وانا نشابي مصوب للغزوات
وصيدي وافر بين لجدل وحبارة
جيتيني كيما العين اللي تعمات
ما تتعوض، ما تردك، نضارة
انت وحدك ساكنة في المهمودات
ماكي كي لخرين ماعندك جارة
ما تكفيك وصاف شعري في صفحات
ما كي في ديوان نظمي بلوارة
كل دقيقة تفوت من عمري تنهات
نرسم من عينيك العلب والڨارة
قولي ليا« واه» نظيها بابيات
نعرف ولفي ضاوية كي النوارة
ليست هناك تعليقات:
إرسال تعليق