** يَا شَمْعـَـــــــــــةْ **
01 – حَشَمْتَكْ بَالله يَا شَمْعَةْ وَاشْ بِيكْ
تْبَاتِـــي طُـولْ الّلَيْـلْ دَمْعَــــكْ جَرَايَا
02 – بَكْيَكْ بَكْيِ حْزِينْ لَا حَدْ يْوَاسِيكْ
حَيَرْتِــــــــــــي عُشَـاقْ هْـدَابَكْ ضَوَايَا
03 – اّلسَـرْ لِـي فِيكْ يَا شَمْعَةْ يَهْدِيكْ
شُعَـارَهْ وَشْيُــوخْ فِـــــي سَـرَكْ غَنَايَا
04– حَشَمْتَـكْ بَالله يَـا شَمْعَةْ مَا بِيكْ
تَضْــوِي عَلْى اّلـﭬْلُــــوبْ وَانْــتِ بَكَايَا
05 – تَبْكِي مَنْ لَفْرَاقْ مَحْبُوبْ مْخَلِيكْ
وَلَا بَكْـــــــيْ خْلِيــلْ مَــا عَـــادْ هْنَايَا
06 – وَلاَّ حَــرْ اّلنَـارْ اّلصَهّدْ لِي كَاوِيكْ
جَاوْبِينِـــــــــي بَالله لَا تْزِيــــــدْ شْقَايَا
07 – سَاهَرْ طُولْ الّلَيْلْ وَانَـا هَايَمْ فِيكِ
تَايَـهْ بَيْـنَ حْــــرُوفْ هَــايَمْ فِي هْوَايَا
08 – ﭬَـالَتْ لِـي يَا شِيخْ سَمَعْنِي مَا بِيكْ
دَنْـــــــدَنْ دَانِـــي دَانْ ﭬَـابَلّـــتْ مْرَايَا
09 – لَوْمَا دَمْعِـي سَالْ مَا نَضْوِيشْ عْلِيكْ
سَــــرْ بْكَايَـــا بَــــــانْ فَصَـــــلْ لَحْكَايَا
10 – اَوْزَنْهَــا بَـوْزَانْ اّلمَلْحُونْ يْوَاتِيكْ
سَمَعْنِـي يَـا شِيـخْ اَكْتَـــــــبْ لُوصَايَا
11 – لَيْلِي رَاهْ طْوَالْ رَانِي نَرْجَى فِيكْ
مَا تْخَبِيــــشْ اّلسَــرْ تَعْـرَفْ مَــــا بِيَا
12 – يَا شَمْعَةْ يَهْدِيكْיִ مَانِي نْشِيخْ عْلِيكْ
ﭬََـنـدُوزْ وعَطْشَــانْ لَبْحُــــــورْ اّلغَنَايَا
13 – لَوْ نَجَمّتْ نْبُوحْ يَا شَمْعَةْ نْحَاكِيكْ
نَحْكِــــي لَكْ سْــرَارْ مَا صَبْــــتْ دْوَايَا
14 – مَـا يَبْقَاشِي سَـرْ مَا نَحْكِيهُو لِيكْ
لَطْمَتْنِــي لَمْــوَاجْ خَبَيْــــــــــتْ شْكَايَا
15 – اَدْفَنْتُو فِي بِيرْ لَا مَنْ طَلْ عْلِيكْ
مَتْوَكَــــــــلْ عَّ الله رَبِــــــــــي مُولَايَا
16 – وَانْتِ يَا شَمْعَةْ مَـا عَنْدَكْ مَا بِيكْ
مَــــا هَجْـــرَكْ خْلِيـلْ لّفْرَاقُـــــو بَكَايَا
17 – مَا شْرَبْتِي مَنْ كَاسْ لَغْرَامُ يَدِيكْ
مَــا طْعَنْتِيـــشْ بْحُــورْ اّلدَنْيَـــــا عَيَايَا
18 – اَبْقِي يَـا شَمْعَــةْ مَانِيـشْ مْخَلِيكْ
اَبْقِــي يَـا شَمْعَــةْ عْلِينَـــــــــــــا ضَوَايَا
19 – لَوْمَا دَمْعَكْ مَا نْخَرْبَشْ وَنْوَاسِيكْ
لَـــــوْلَا دَمْعَــكْ مَــا تْخَطَـــــتْ لَقْصَايَا
20 – اَضْـوِي يَا شَمْعَـةْ شُعَارَهَ تَشْتِيكْ
اَضْـــوِي يَـــا شَمْعَـةْ بَدْمُوعَـــكْ جَرَايَا
21 – اَضْوِي يَا شَمْعَةْ مَنْ بَكْيِيِ خَلِيكْ
اَضْــــوِي يَــا شَمْعَــةْ وَنَعْطِيـــكْ سْمَايَا
22 – جلالــــي جمـــال لّلسَامَــعْ وْلِيكْ
فِــي شَهْــــرْ اّلثُــــــوَارْ تَمَــــتْ لَحْكَايَا
23 – أَلْفَيْـنْ وْعَّشْرِينْ رَاهْ مْتَوْرَخْ بِيكْ
خَطَيْتُــــو بَحْــــرُوفْ وَانْــــــتِ ضَوَايَا
نسر
ليست هناك تعليقات:
إرسال تعليق