قداش تسال
ڤداش تسال اصاح في كلام الناس لي ڨالو
والجايح ليه تسالو
و انا من بين الناس كي نسهل و ڤعدت نسال
والناس اتفرقو فالفعال كل آخر ليه خصالو
والدوني يا ماذالو
وانا زاهي بحديث فالجمايع عندن تمهال
لبخيل ابخيل كلام كي الي باخلنا من مالو
لقلوب علينا مالو
معدولين ڨران من اجهلهم واحد مامال
اوتعيا تسخي بالقليل تلقى لسنا يطوالو
هم الجايح تذلالو
وكلامك يبقى في جوارهم عند سمعهم حال
و اذا تغبنت تصيب كل غافل زاهي بجلالو
ماهي لاتي بحوالو
غضو عنك لبصار صاحبك وخليلك والخال
ياك احنا ماڨلناش كان خوتي عنا يغفالو
هاذا وقت وصلنالو
لينا مولانا وقاصدينه في كل احوال
مول الظن الشين دايمن عينه وصت اخيالو
وبليس مسهلهالو
ماشاف الي ضوات مافرز قمره م هلال
الطاهر
ليست هناك تعليقات:
إرسال تعليق