هاذا سوري قاسني واقسم قلبي
وينك يا مسؤول والعربي ينداس
وين الأصل الحر ميزة العربي
وين الملايين من أهل القرطاس
وين النخوة فيك يا قاطع دربي
وين الكلمة راك كابسلي لنفاس
قاتلني تنديد تهدر و تسربي
ياحصراه على الحرة كي تتقاس
عند المولى يحاسبك هذا الصبي
عند المولى راك في رزقو عساس
عند المولى راك راعي وتربي
مسؤول وآمانتك ليها أساس
الله غالب يا بني ماهو ذنبي
قلبي تقطع راك ساكنلي فالراس
يد مكتف خاطري غير يخبي
والمسؤول بحالتك ماهو حساس
ندعيكم لخالقي سيدي ربي
يرفع عنكم ذ البلا ويزيل الباس
وتعودو لبلادكم خير معبي
وفالدنيا والآخرة يكون القصاص
#بقلم )
ليست هناك تعليقات:
إرسال تعليق