عسل السدر.... للشاعر، بوراس الشيخ

 يا الحظ الا ساعفني وكون وقاع

اولاااا تزيد تڨفي ونزيد ننعثر

نعرفك يا حظي تشتي كل موزاع

كل مرو محيحي في وسط الصٰحُر

راك تبغي تركن ليا بين لفراع

موالف الخنقاوات وعيشة الوعر

لاه تتلبط لي لجبال كي القوباع

ولاه يا زهري تشتي شجرة السدر

نعرفك يازهري مكسور بيك لوجاع

وقلت ياشاعر مارانيش كي الزهر؟؟ 

كل غالي يجرحني مابين لصباع

كل طيبة لابد وشاوها المرررر. 

ها المر اللي نا ذقته ذاب في ساع

وزاد بنن ليا في قاعة الڨدر

وسبتي لشقايا طفلة وزينها شاع

جايا مرڨوشة وقليلة الصبر

كالشمس اللي طولالة وقت بولاع

بين الغيوم تجي شهبة وتنعصر

..... الخ....