مابقات بنة
مثلي وعيطا ما تهنا ... ما بقات بنة
سد الهم على كل باب
صغار ومن الهم شبنا ... ما بقات بنة
عيا الڨلب على الجمر طاب
لكان الصبر دوا منو شربنا ... ما بقات بنة
زاد صبرنا . للصبر غير عذاب
ذاق الخاطر . الڨلب ما تمنا ... ما بقات بنة
حتى السعد في العد حساب
الشكوا لرب وللعبد نحتمنا ... ما بقات بنة
الساهل في وقتنا هاك صعاب
بين الرايح والجاي هملنا ... ما بقات بنة
الجايح للعلا طلع الساجي راب
سبقنا الظالم بالظلم تهمنا ... ما بقات بنة
كذب الصادق صح ڨول الكذاب
لا كرم ڨبيل ولا محنا ... مابقات بنة
شوفت عيني حتى الظن خاب
تلفنا الدين و بالدنيا نغرمنا ... ما بقات بنة
ما باقي كي ڨبيل شد كتاب
تركنا الفرض وجهلنا السنا ... ما بقات بنة
مدحنا الحاظر هجينا من غاب
ساط الريح وبغبارو ردمنا ... ما بقات بنة
بين البينين واش جاب لجاب
بين القبيح والمليح وهمنا ... ما بقات بنة
لا ڨمنا عاد لا حديث صواب
خاوا وخوتات البارح كي كنا ... مابقات بنة
حليب المحنا هاك ظنيتو راب
مزينها ليام البارح كي سلنا ... ما بقات بنة
وجه الحيا اليوم لونو شهاب
نعيمي
ليست هناك تعليقات:
إرسال تعليق