( لقاء )
وإتقابلنا مرة تانية وإفتكرنا عمر فات
كان كلامنا وكان سلامنا كله سكات
سنين وراحت وراح معاها عمرنا
وخدنا العزاء في حبنا وكأنه مات
لكن السكوت نطق وإتكلم وقال كلمته
وانا وإنت بإيدينا بقينا نمسح دمعته
سنين وراحت وراح معاها عمرنا
وقلوبنا تاهت والأمل مالقاش فرحته
وإفتكرنا آخر مرة قلنا فيها أحلى كلام
العين بالعين والإيد بألإيد كأنها أحلام
كنا بنحلم بسنين جاية في عمرنا
لكن الزمان صعب عليه نعيش الأمان
وإفتكرنا ودموع عينينا على الخدود
نازلة تجري بسرعة ومالهاش حدود
سنين كتير راحت من عمرنا
لكن الفراق بنى على حبنا أكبر سدود
رمضان )
ليست هناك تعليقات:
إرسال تعليق