كي تكون هي شطبة وهو عصبي ومقلق
تقول
غي نهدر يقولي بلعي فمك عليا
تشركي في فمك ك القاراج
وأنا صابرالو للهم وذ الميزيرية
ما دريت هكا داير الزواج
كل ما يصرا شي يقول منك نتيا
كيفه ندير واش الحل أحواج
هو قول
وك شفتي حالتي وقبلتي بيا
ما قتلك ميغري ماني ساكن ف زداج
بركاي ما تنقرشي اللي فيا
ما يرفدو حد والقلب منك راه عواج
ف الاول تقولو الهنا والنية
وك تضمنو السكنة ما تشبعو تفراج
أيا نوضي لعشاك مشي عليا
شبعتي بطاطا وزيت وخاصك الجاج
هي تقول
أقدور مالك ها حن شويا
جامي خلعتنا ب كوكاو ولا فرماج
كون ما يلحقش العام ليا
ناكلهم عند بابا شغل درت لونساج
هو يقول
طوال لسانك أ وحد شندرية
وليتي كل دقيقة تجبدي باباك الحاج
ما تعبت ما درت حتى حية
يا حصراه ك عاد ذيب يصرح بالنعاج
باقي دقيقة ونقلب عليك دنيا
امشي لكوزينتك يا وحد الخمااااج
ههههههه أنا نهرب لطونسيو طلعت
بقلمي
ليست هناك تعليقات:
إرسال تعليق