من يومك راه العقل ماهوش مليح
راني بين النار والصهد نقاسي
من يومك ماعاد ليا قلب صحيح
و. كل دقيقة تزيد ليا تهواسي
من يومك يا الزايخة كاثر البريح
ماشفتوش الجارحتني بمواسي
زوباعة وتهلكت من جهد الريح
ريح هواها راه هيلم لي ساسي
سميني مهبول قولي بيه نسيح
نتودر من حب شاعر ونباسي
لوجيتيني بالڨدر نوقف ونطيح
ونتسلف ما ببن اهلي ونساسي
لوجيتيني بالرباصة والتسريح
نتساعف وندير بابك وناسي
لوجيتيني بالكلام وبيه انبيح
سري خبيتيه وشربتي كاسي
وعياني قشم الليالي وتقرويح
مصعبهم ساعات ليلي عساسي
يا ليلي قلبي عليها عاد يميح
متصوب ق شوار نونة ويطاسي
ليست هناك تعليقات:
إرسال تعليق