بعنوان
(( شوف يا قلبي )))
شوف يا قلبي إللي بتقول حتة منك
عذبك ودوبك وراح بعيد بعيد عنك
هو ده إللي إنت ياما دافعت عنه
النهاردة بيتبغدد وبيستهتر بفنك
شوف يا قلبي إزاي بيتعالى عليك
نسي زمان لما حاول يبوس إيديك
خليه يا قلبي ياخد له يومين
بكره يتخان وييجي يترجى فيك
إوعاك يا قلبي لما يرجع تتساهل
فهمه وعلمه إللي قال عليك جاهل
إتقل عليه ولا تسأل فيه
لو حنيت له تاني يبقى إنت تستاهل
لو بتحبه يا قلبي إوهمه إنك نسيته
وإعمل روحك ولا عمرك يوم حبيته
إتقل عليه ولا تسأل فيه
خليه يحس إن إنت ولا مرة إتمنيته
رمضان )
ليست هناك تعليقات:
إرسال تعليق