طار نعاسي ما عرفت آش نواسي
الوقت الڨاسي راه زايد قا يجحدّ
كثَر هوداسي ، راه واجعني راسي
نبات اْنساسي طول ليلي مانرڨـدّ
يا ڨنطاسي فـي غيابك أنـقـاسي
رايب ساسي ، علاه فيا راك تهـدٌ
ماظنّـيتك يـا رفـيـڨي فـي ناسي
ترجع ناسـي ، وااه عني راك تـصدّ
أنت أنفـاسي ، يـا دوايا في كاسي
يا قرطاصي انت سلاحي بيك نهدّ
يا عسّـاسي درتك تـاج على راسـي
انت برنوسي مخيـّراتك فيك نشدّ
الڨمـح الفاسي شبيه لك يا ونّـاسي
وانت مقياسي على زنودي متلمّد
ياسمين
ليست هناك تعليقات:
إرسال تعليق