مابين الناس درتك ليا ساس
قلبي مجروح وألهم وسادو
عديت سنيني بمر الكاس
القلب لي حبك دفنت رمادو
عزيت ايام سعدي فيك خلاص
رميتو في بير مڨطوع أشدادو
أتشطاني درتك ركيزة وڨنطاس
شربت اڨداح بمراير يسوادو
قيمة الفضة مايلحڨها نحاس
ولا نجع البية يخالف معادو
هاذاڨولي فيك ڨطعت ألياس
كي هانت ليام بكيت سنادو
خبيتو في قلبي رشڨت امواس
شاع خبرك رماني بزنادو
ماصبت. نعاديك نكتم لنفاس
ولاصبت نهجر ب رك وعبادو
اصل النخلة ماتنبتش الدرياس
ولا حجر الصمي تصيب اڨدادو
عرف الدفلة مايجي قنطاس
زارع بذرو ما يثمر زادو
مداد زماني متريخ كراس
نحكي بيه لقبري واشهادو
سبحانو الله في ملكو عساس
ما يخالف موحال يوفي ميعادو
الشعر
ليست هناك تعليقات:
إرسال تعليق