يقول ذاك العاشق ف غرامها
قصة واقعية
ذيك الطفلة قاعدة ف البال
وين راح الخاطر راحت معاه
محال يا خاوتي ننساها محال
راهي هي القلب محنتو ودواه
بعد العشرة نويتها ليا للحلال
قالت الولد ما يتحكم قبل أباه
واش نقول انا للي بنت الحال
شاورو و اهدر بلاك تدي رضاه
راه القلب بغاك و هدرنا فالجوال
والباقية عند الشيخ منعرف كيفاه
قال حتى انا كيفك نفتح ذ المجال
للوالدين يقصدوه يهدرولي معاه
قالت تبدا من عندك كلمة الرجال
واطلب الرضى وحدو من الإلاه
شحال من بيبان انفتحو ف عجال
وما تمت قصة ليهم بلا مرضاه
اديت الشوابين بركة خير وفال
طالبين يد الطفلة لوليدنا جمال
راه شافها تقرا قانون الأعمال
سقساها يلا تقبل ولا غ تنساه
قالت نتوما اهل الشوار ولقوال
درنا ذ ليوم بشارة لينا وجاه
قال نفكر وعلى ايام نرد السؤال
كلشي بالمكتوب يلا ربي عطاه
سقسيت العمر على كل حال
راه فاتو ايام والرد طول ما جاه
رفدت .سكتت كلامها ما جال
قلت مال الحبيب ساكت ببكاه
ياك ماهو مادي ما طالب مال
والشي للي طلبو رانا درناه
ردت ما راه قابل ذا ماقال
حتى حنا كيفكم شي ما عرفناه
ثم تبدل وجهي اصفار وكحال
السكات قبالو متمملو معناه
قلت يومها قلبو ما لان ما مال
قلت الظاهر حتى حنا ما عجناه
قالت يا ولد العز يا سيد رجال
بيك قبلت والوالد ما نرفض رضاه
جات امي ليا سقسيت ذ تبدال
حتى انا كيفك نسأل سبتو علاه
قالت باباك واعد عمك من ذا شحال
استقبلهم حشمة وف الصح مكلاه
قلت علاه ما قلتي حتى بالتحلال
باقية ساكتة سامع منك ذيك الآه
قالت عرسي بعد مدة يا جمال
والقلب نتا مربع فيه اقرى مثواه
دارت اللمة حضرو لعمام ولخوال
وأنا عند لبحر نحكيلو قلب تمناه
راحت الطفلة وراح معاها جمال
من يومها برك باه نتعلق باه
راهي صعيبة دمعة الرجال
يلا طاحت راه لقلب تقطع مقواه
الى عشاق الكلمة تحياتي شاعرة
ت
ليست هناك تعليقات:
إرسال تعليق