*****ناكر الاحسان*****
واش بيك شاردة عقلك مودر
ذبال زينك ماعدت مثل زمان
غابت التبسيمة لكانت تضهر
خدودك مابقات بحال الرمان
كلش فيك تبدل وراح خسر
و وينها وردي زاهية الالوان
عكست ليام الحلم راح تبخر
تبعت زهوا الدنيا معاه الفان
ياك كنت حاضيك من كل شر
نخاف عليك من نسمة لمحان
سمحت فيا ورحت بيا تشهر
قلت لازملي لي جيبوا مليان
شوف الدنيا كيف ادور تتغير
انا فين وانت فين آه ياحنان
لوكان صبرتي عمرك ماتتحير
تعيش معايا وعمرك باه تتهان
ارفضت الفضيلة ورحت اتخير
نسيت القناعة راح منك الشان
شوف تڨد السعد رزقني القادر
عمري تكبرت ولانكرت لي كان
عوضني ربي بحب عفيف منور
المكتوب تسڨم رحماك يامنان.
عبدو
ليست هناك تعليقات:
إرسال تعليق