مااقيت مطوع
ما لڨيت امطوع للبر ذا ونطويه
لا رفاڨه زينة لا صاح ينذكر
بقيت نهجر نايا والبر ذا نخليه
نقيس فيه شبابي و قدايد العمر
يافڨايع حبي هاهو الڨلب رشيه
من هداني تالي نوتيه بالهجر
شحال يصبر دا القلب يڨدني نواسيه
والكبيدة طابت من لافح الجمر
صابر علي حبك وانتَ تلز منهيه
عييت قي نتسنى ضنيت لاخبر
جات ساعت فرقه والوقت جاب مافيه
حضيت منه صبري مكسور م الظهر
سواد قلبك هذا. ڨولي منين جبتيه
مادريتي كية من عافس الجمر
طاب جلده و اللفح سنى مع جواجيه
مابقالو من بعدك خل لا زهر
ما ڨعدليش هنايا حد باه نعنيه
ولا قعدليش هنا نوارت العمر
حسرتي كان قبالي كنت ذاك نشتيه
حالتي من بعده كي ساكن القبر
مادرى بالدنيا لا شاف واشتا بيه
شارد مع فكرو يجري مع الوعر
من هداني واكح من بيرنا انضميه
و من هداني نهداه يروح للوقر
الطاهر
ليست هناك تعليقات:
إرسال تعليق