( كله منك )
مش أنا بقيت عليك أهون
ما أنا كمان إتعلمت أخون
وأضحك في وشك وأكدب
وأعرف أكون أو لا أكون
علمتني أكون بياع الكلام
وإتعلمت أجاري في الأيام
وأضحك في وشك وأغشك
وأسهرك وأنا مرتاح وبنام
علمتني إزاي أهواك وأوهمك
وأفكر في غيرك وأنا بكلمك
وأضحك في وشك وأغشك
غصب عني لو كنت بألمك
مع السلامة والقلب داعيلك
خلي الدنيا توريك وتديلك
وإشمعنا أنا شفت العذاب
خلي الفراق يرقص ويغنيلك
الشاعر
( )
ليست هناك تعليقات:
إرسال تعليق