#من_الارشيف_2019
** للفاهـــــــــم **
01 – اِذَا بْغَيـْـــتْ لّلـﭬَـــــوْلْ تَفْهَمْ
فَتَشْ مَــا بَيْــــنْ اّلسْطُورْ
02 – اّلبَايَــــــنْ اّلكُــلْ لِيـــهْ فَاهَمْ
وَالّلِي هُوْ شِيخْ مَهُوشْ مَحْيُورْ
03 – وَاّلخَافِــــي يَعَلْــــــمُو اّلعَالّمْ
وَاّلفَاهَـمْ يَفْهَـمْ لُغَةْ اّلطْيُورْ
04 – سَــــوَّلْ اِذَا بْغَيــــــــتْ تَعْلَمْ
وَاّلمَتْكَبَـــــــــرْ ذَاكْ مَغْرُورْ
05 – مَا خَـابُو مَـنْ جَالْـسُو اّلعَالَمْ
اّلجَاحَدْ وَاّلحَشْمَانْ مَظْرُورْ
06 – لْمَتْكَبـَّــرْ عَلْى اّلشْيوخْ ظَالَمْ
وَاشْ يَجِيبْ الساقية لبحور
07 – وَاشْ يْجِيـبْ عُـــودْ فَاحَمْ
لّشَجـْــــرَةْ مْنَـــــــورَةْ بـّزُهُورْ
08 – مَـــنْ جَالَــسْ لَخْيَـــارْ سَالَمْ
مْعَطَّـــــــــــرْ بَاّلمَسْــكْ وَبْخُورْ
09 – لَا تْكُــــــــونْ لّلغَيْـــــرْ شَاتَمْ
بَاّلفَعْـــلْ اّلشَيْــــــــــنْ مَذْكُورْ
10 – ذَاكْ اّلفَعْــــــلْ عْلِيــــــهْ نَادَمْ
وَتْفَكَـــــرْ لّا تْعُـــــــــودْ مَدْحُورْ
11– وْكُونـَـــــــكْ لسّــــــــــرْ كَاتَمْ
مَــــا بَيْــــنْ اّلنـَــــــاسْ مَسْتُورْ
12– اّلّنَمَـــــامْ ذَاكْ ظَالَــــــــــــــمْ
مَـا يَنْجَى مَــنْ لَــــــــظْ لَقْبُورْ
13– اّلفَــارَسْ لّعَــــــــــودُو يْلَجَمْ
وَيْسَـــــرَجْ لَا يْعـُــــودْ مَدْبُورْ
14– اّلصَيَـــــادْ لَسْـــــلَاحُو يْلَقَمْ
وَاّلزْنَــــادْ لَا يْكُــــــونْ مَكْسُورْ
15– هَــذِي لَيْكْ اِذَا بْغَـيْتْ تَفْهَمْ
اّلـلِــي بَرْجَــــــالُو ذَاكْ مَنْعُورْ
16 – اّلحَـــاذَڨْ بَاّلغَمْـــزَةْ وْيَفْهَمْ
وَاّلمَرْضِـي مَا يْكُــونْ مَحْـﭬُورْ
17– مَـــا تّعَلمّــــتْ نْكُـونْ شَاتَمْ
مَانِــي طَعَــــانْ فِّــي اّلظْهُورْ
18 – مَانِي عَلْــى اّلغَيْـــرْ حَاكَمْ
اّلعَبْـــدْ اّلضَعِيــــــــفْ مَسْتُورْ
19– حَامَــــــدْ رَبِــــــــــي اّلعَالَمْ
فِـي ظَهْـرِي جْبَـــــالْ وَبْحُورْ
20– مَرْضِــــــي اّلوَالْدِيــنْ سَالَمْ
شَاكَــــــــرْ رَبِــــــــــي اّلشَكُورْ
21 –اَنَايَــــا لَشْيُوخِـــــــي مْسَلَمْ
مَنْ جَالَسْهُمْ يّعـُـــــودْ مَسْرُورْ
22 –اّلحَاجْ طَاهَـرْ لّلـﭬَــوْلْ يَفْهَمْ
وَاّلحَاجْ سْلَيْمَانْ سُلْطَانْ لَبْحُورْ
23– بْرَحَمْتَكْ يَا رَحْمَـــانْ تَرْحَمْ
اّلسَامْعِينْ وْ مَـنْ سَكْنُو اّلقُبُورْ
24– فِي ﭬَولِــي مَــا نِيـــشْ آثَمْ
مَسْتَغْفَـــرْ لّلعَالِــــــــــي اّلغَفُورْ
25– خَالَــــــــقْ حَـــــــوَاء وْآدَمْ
اّلزَاحْـفَةْ اّلعَايْمَــــــــــةْ وَاّلطْيُورْ
26 – يَـــا رَبِـــي وْلِيـــــــهْ تَرْحَمْ
مَـــــنْ كَاتَبْ بَاّلحَبْـــــرْ سُطُورْ
27 – جَمَـــالْ فِّـي اّلـﭬَــوْلْ نَاعَمْ
جَلَالِــي شْرِيــــــــــــفْ مَنْعُورْ
28– زِيــــنْ اّلـﭬَــــــوْلْ بِـهْ نَخْتَمْ
بَرْوَايَــحْ فَايْحَــــــــــةْ وَعُطُورْ
29 – يَـــــا سَامَــعْ صَلِـــي وْسَلَمْ
عْلَـــــى زِيـنْ اّلصِفَـــاة وَاّلنُورْ
30– مُحَمَــــــدْ اّلنَبِـــــــي اّلخَاتَمْ
شَفِيـــــعْ الّاُمَـــــــــــــةْ اّلمَنْصُورْ
نسر
ليست هناك تعليقات:
إرسال تعليق