نعيش معاك كارهني وداي النفرة
ومانعيشش كلب بين يديك مذلول
ونشرب من العاكر نروى بالقطرة
ومانشرب ما لكف لي عايش يقول
تمن قطراتك اللي تكويني كجمرة
وتلاغي باسمي في سيرتي مشغول
يا بنادم كاين اللي بحالك بالكثرة
بزاف ! عايشين بوجه مجهول
وانا لو شايف فيك خير ندي فكرة
نكون بيها بزاف شي من عقول
لكان عارف يجيني منك غير ضبرة
نبقى حاير في دواها محال تزول
لسانك عريض يرفد براحته بقرة
ونغرس به بحاير العرض والطول
جدورك صرت نحسب فيهم بالشجرة
عفن وراق وغدر غصانها يجول
آخ على نفحات ماخنزها فيك زهرة
من شم اوراقها يرجع هارب الرول
وانا نعيش معاك كارهني وداي النفرة
ومانعيشش كلب بين يديك مذلول
.......بقلم ..............
ليست هناك تعليقات:
إرسال تعليق