قصيدة ....
انا قلبي موالف معمر زهور
ضرك صرا له كي حويش الكراية
كل عشية تجي طفيلة فيه ادور
واطمس معالمه والذكراية
قي بكري قلبي مسبل للهيدور
ما يفرز لا حشيش ولا زوايّة
قلب العاشق لا تلوموهش معذور
تباع لبنات من كل ثنايا
ولى شجرة كل وقت يجي عصفور
وتسمع التغراد داير حيحاية
كي طاحو ورقاتها وحضات قشور
راحوا وهداوها مع الدهر حكااية
لون غرامك راه رجعني منحور
بعد دماسي جات نجمة ضواية
يتفتح كل غصن منها دار بخور
ويفوح في وسط حوش الكراية
لو نوصفها ما نطيق نجي مكسور
بعد المُحاوْلات يتلف مبدايا
عذروني قارنتها بشعاع النور
والا شمس الضحا توقت زقاية
واه اهدبها كالسمار اللي منشور
في حاشيت البير لبداا يتفايا
وعينيها جعبات روبيست موشور
متوجه ديما توار العناية
احواجبها مقرنة كي قوس قصور
واللي بانيه من خيار البناية
طاح شعرها ع الكتف داير ضفور
فوق السبعة تلاوحو ع الشوماية
سنيها حبات تبرولي ممطور
زخات من البرد طاحو في ضاية
زنيقة مقزية تنجرف بالعطور
فيها بنعمان لحمر يتحايا
وخدودك رمان تحجب وسط الصور
شاو طياب لعاد يرجى في اللاية
عطبولة ماهيش قرناشة والكور
هاذ الطفلة وافية ع الوفاية
هيفا ضامر جوفها ماهو مبثور
ربعية ما درجوها رعاية
من وقفتها راه قلبي عاد حرور
شعلت نارو عيطو ع الطفاية
تطبخ ذاتي ملوجوه مع القدور
وسكنت ......وسط حوش الكراية
هي والله ما نعد لها مخسور
وندفع حتى صحتي للعزاية
هي قاسي قلبها كي شكل صخور
كي سكنت فالحوش رجعت حناية
فراشية نسجتها في قلب برور
بالصوف والحرير متنت اغطايا
وادمية صيدتها في جوف صحور
عاد صغيرة لقيتها في رتماية
والا تمرة حجبتها من عرض تمور
هاذنخلة لا تقولوا شحواية
والا قصيدة كتبتها عبر العصور
تقعد للي يفهمو لي معنايا
وبيها كل احبال قلبي والجسور
مرهومة بدلالها شغل دواية
يا قصابي شفتها قعدت م اللور
حشمانة وتزيد للعقل اشفايا
هي تشبه روحها ماكان هدور
وكل الوصف اللي وصفته ادنايا
حسنو عوني حسبتها وحدة م الحور
واسماها مذكور في وسط الاية
بنت الاصول راه ذا الشاعر مخمور
متهتوس من خزرتك يا طواية
ايه تغرست فالحساس مع الشعور
وكي غرست خرجوا جميع الكراية
ليست هناك تعليقات:
إرسال تعليق