اسمع ليا يا الغافل
اسمع ليا يا الغافل ...وانت ما داري بحالي
انا فقلبي نار تشعل ...وبالموس مقطعة اوصالي
ما طقت نروح لا نبطل ...حبك جاني على توالي
يا ربي للخير سهل ...ترضي وتزورني غزالي
ماشي وسط الناس نسأل....وين انتوما يا ابطالي
قولو لي كيفاش نعمل ..ونرضي الزايده هبالي
يا دبيش امشي وعوول....واوصل مقطوعة الوصالي
قول لها من طار ينزل....والخبر يجيبو التالي
ما تحقري بعين تنزل ....وما تفرحي بجبح خالي
قالت لي يا شيخ بطل...يجزي من كثر الدلالي
حبيتك شفت فيك راجل...وانت ربحي وراس مالي
ما نهجرك ما نبدل...ما نزيد لقلبي علالي
شفتك قلبي طار وانزل...اتفكرت ايام الخوالي
من لي كنا بنت وطفل ...ونتخبى وسط الدوالي
نسافر في ظلولها ونغفل . ..يصحينا قمر الليالي
انتايا عشقي الاول ..وانتايا حبي التالي
انايا بلا بيك نهبل ....والبر بلا بيك خالي
مشوارك ذا فيه عجل...وارجع ليا يا الغالي
افتح باب القلب وادخل...وانزع عنو الغطا البالي
قبل ما نفني ونرحل ....قبل ما يوصلو مجالي
جلول
ليست هناك تعليقات:
إرسال تعليق