( ضاع الحب )
إتحديتني وإستنيت مين يتنازل
وبإيدك بنيت بيني وبينك عازل
وضاع الحب إللي بدأناه
والأشواق والأماني كلها في النازل
ما بين حيرة مابين لوم وعتاب
ما بين غيرة وشك وحب داب
ضاع الحب إللي عرفناه
وفضل هوى منظر لكن كداب
وإفتكرنا سنين راحت مع الريح
واحد فينا كداب والتاني صريح
ضاع الحب إللي شفناه
وإللي باقي شوق ضعيف جريح
أفكرك مين ظالم ومين مظلوم
مين بعد ومين قرب ومين بيلوم
أنا إللي كنت يتنازل عشان حبي
وأنا إللي جروحي عملتلها البوم
الشاعر
( رمضان )
ليست هناك تعليقات:
إرسال تعليق