ياقلبي ساعف الليالي كي تكحال
واصبر ليها تعرف الدنيا مُرة
تعرفها قلابة الفردة والحال
كل دقيقة تفوت منها كالعشرة
الدنيا يا قلب فيها كم شحال
ذا حكمتلو ذاك عايش فالڨفرة
ساعفها راها على حبة تطوال
تتفرع وادير من بذرة شجرة
شد لجامك متنو زيد الركال
وتوقع تلقى من الطيبة سدرة
ثاني تلقى راحتك عندالسؤال
فاه فنيت الفانية ولو مَرة؟
.. رد عليا قالي راني هروال
راني تبعت الهوى وانا نقرا
وتعلمت من النسا جملة لخصال
ربع فصول متممة فيهم نظرة
هافو في وقت الخريف ورد البال
ريح مشوقب جا مدلي من ظهرة
مشتاهم دمعات طاحو بالتعدال
وملاو الكيسان كذبوا بالهدرة
وربيع مغطي بوردو كل شمال
حب وزهوة في النسا منو تبرا
والصيف يذري عليهم في الرمال
تتفركت وتسير الحصيدة غبرة
من سوى محبوبتي جدية لغزال
من عشرت ذوك الفيافي فالصحرا
عينيها ا صاحبي مثل الفشتال
ولد الصيني كان صحح فالخزرة
تتقرمص في مشيها مشية لهبال
وتعافر في العين منها بالكسرة
.... الخ.... النسا فصول....
ليست هناك تعليقات:
إرسال تعليق