بعنوان،،. الوحش
الـلـــه لا دبـيـش من عندك جاني
رن مـــع الصبحة جايـبـلي لخبار
فـيــقني بين لحذارين لول وثاني
جـــانـــي عـاجـل رافـد لـي بشار
نـــفـتـح ونـقـراه ابـصـمت عياني
يــادلالي باعثاتو مسبوغت لشفار
هــــاذي مــدة راه الـنــوم جـفاني
نــتـــقـلـب فـي بـلاصـتـي صـبّـار
طـــيـفك يازايخة عشش دخلاني
بـيـــن ضــــلـوعـــي ثــم دار وكار
خــطــرات نـحـس روحــي براني
وانـــا بـيـن اهـلي ومـالـيـة لخيار
صهد الوحش ليوم فالقلب كواني
اذّرى ريـح الـمـحـبـة لـهـب لجمار
تــنـسم ريـح وجــاب نسمك ثاني
لـلـبـعـد ريـحتـو مـــشـمــوم غزار
كل عشية نـحس ذالـقلب خطاني
ضري تحت الضلـعـة مـالالـو عقار
بعدتيني يـاروح جـسـدي وعياني
ورحـتـلـي بـعـد مــاكـنـتي فالجار
مـسـتـنـي مـرسـول منك يصفاني
ولـي حـبو صادق يتسنى كل نهار
الشاعربوطيبة
ليست هناك تعليقات:
إرسال تعليق