ڨاللها ياسمرا...تڨتل اهدااابك
برمشك الجراح ڨلبي عذبتيه
عينك عين غزال سعدو صيادك
صياد الغزلان كي تصعاب عليه
بغيت نجرب باه نذكر اوصافك
وبخزرة عينيك وصفي عجزتيه
باين الكرم في... في كبر لماحك
وببحر جفونك... الجود كسبتيه
يا طفلة بركاك من هز رمااااشك
بسهاامك قلبي مااا خليتي فيه
سولتك قاصد نطبطب في بابك
نملكك انتي...... واسمي تملكيه
.............
ردت السمرا:....... اسمع جوابك
افهم كلامي........ وتعمقلي فيه
لا توصف لي... ماهو من حقك
لقلب لي خاطيك لا تقربش ليه
ماصعب صيادي يجهل لسمعك
مايقبل صياد تدي لي في يديه
لي ڨرب لغزالتو راهو هااااالك
ولي صاده صياد راه تكتب ليه
لعلمك لغزال كي يصيبو سهمك
ماتفرق مكانها لي تصاادت فيه
ضنيت جواابي مفهوم ووصلك
مداامك صياد... تفهم معااانيه
ليست هناك تعليقات:
إرسال تعليق