انا والملحون👉
ڨالولي اطفلة شاسر اشعارك
شاهو سر كلام عاجبنا قلتيه
علاه الملحون صاحب لسانك
موهيبة ولا من باك..ورثتيه
نظمتي ابيات زينة واتاااتك
وبغينا ملحون بلسانك قلتيه
لمثال الزينة طبعت كلماتك
عايش الشعبي مدامك تحييه
ياطفلة ردي علينا بجواابك
مزينك بكلام ملحون كتبتيه
قلتلهم.راهو با للبدوي مالك
وورثني عرشو وتربعت عليه
كلامه فالملحون يداوي قلبك
بلحكمة يصحب ليكان معاديه
الناصر بابايا للملحون تملك
والطاهر خيه راه شريكه فيه
ملوك الملحون كيكونو أهلك
ملزوم بورثه و تتقن معانيه
جلالي جمال سمعني قولك
لكلام صحيح ولا غالط فيه
انا قلت كلام. المعنى وصلك
وورثك موحال تتنازل عليه
ياما كان باك الطاهر قبلك
سيدالملحون مايتنافس فيه
مامات الطاهر مدامه شعرك
يحيي واش باك اتعرف عليه
ندعي ونترجى... ...لبا وبيك
ربي يرحمهم لا تنسى تدعيه
يالناصر ..ربي. يوسعلك قبرك
ولخوك طاهر بالرحمة ندعيه
نذكره بالخير كيمااا نذكرك
ندعي بالجنة لي تجمعك بيه
لا تنسا ديما في ختم كلامك
تذكر الحبيب والصلاة عليه
ليست هناك تعليقات:
إرسال تعليق