بيت الله
سهل ياربي خطايا للمرسل
خانوني ليام ليا ماوجدوش
حب الهادي راه في قلبي يقتل
شاهي زورة والدقايق ماوصلوش
سبحانك ياخالقي ليا سهل
خطواتي صوب المداني ماكتبوش
جيتك ياربي ابجاهك نتوسل
قلبي فط من الفريسه والقشوش
من وحشي لزيارتو باغي نهبل
لا صحة لا مال ليا ماقدووش
عودي راه هزيل جيتك نذلل
قاصد بيتك والركابي ماطقوش
سهلي ياخالقي بيها عجل
نزور الكعبة وشافيع العروش
نحرم بالجحفه او من ثمه انسهل
وذنوبي بجاه ربي مايبقوش
نطوف سبع اشواط ندعي ونهلل
او ركعتين بالمقام او ما نبطوش
من ثم لمياه زمزم نتحول
نشرب ونسقي البال اللي معطوش
ونصبح في مكة نكبر ونهلل
طلوع نهار روح نرجم البرهوش
ابليس اللعين نخزيه يهزل
بإذن الله سييأتي ما يبقوش
بعد نجيب مناسكي وفروضي آكل
منها يبقى خاطري ديما منعوش
والصلات على النبي طه المرسل
حتى في منامي ما زرتوش
يامحلا شوفتو كي تسهل
ذوق التوبة فبالي ماكيفوش
خامس لركان ياربي ليا كمل
ندى الشعر
ليست هناك تعليقات:
إرسال تعليق