دار العام على فراڨك بالزهدا
واللي راح مع نعاشك ما ولاش
بويا عزي ويا عيوني والكبدا
يا زين الميعاد و علامك ريياش
بويا طير و كاسر مخالب لعدا
من يومن عللا جناحو ما وطاش
بويا يا روناڨ يا زين النڨدا
مثلك فالدنيا حرة ما تضناش
هادفلي طيف العزيز هاذي مده
يا بويا والجرح نادي ما يبراش
خبرك جاء ڨتتال و قوات الشدا
مثل اليوم و ياأبي هوول لعراش
ڨفيت و يتمتنا بذيك الرڨدا
يا بويا برد الشتاء و ڨسوة لفراش
عزوني والحزن في ڨلبي سدا
كي زهوي و دلال بويا ما نلڨاش
عزوني يا ناس في سبع الهدا
دار العام عزاه راكب ما يڨضاش
ابكي يا عيني و دمعك ما يهدا
واللي لام عليك ما هزوه انعاش
نكتبلك نرثيك تستاهل بردا
و حروف الملحون غيرك ما تقراش
يرحم منهو مات و منهو في شدا
والصلاة على نبينا سيد الناس
.............الله يرحمك يا أبي 🥺توحشنااااك يا الغالي..
ليست هناك تعليقات:
إرسال تعليق