جيت نحوس صح ع العذرة
صبت اللي حواسها مفتون
اللي بيا غزال في الصحرة
من خلات الشوق دار ڨرون
قالو لي تلقاه في البصرة
ورثت من نسوانها العيون
هاني ماشي ليك ذا المرة
وابني ليا وفرشي قيطون
راني شاتي معاك نستضرا
من ليعات الڨايلة ومزون
كسبت زين الهند بالطفرة
طاح شعرها ع الكتف مغبون
ودات من الشمس والڨمرة
لاحت بشعاعاتها زينون
زيد قدح بالوان للفخرة
وانا هاني بزينها مفتون
للڨبلة ونعود في الظهرة
شايش عقلي نبان كالمجنون
قلت لهم قي نونتي مهرة
تتڨرمص ومعرفة بالنون
و. هي من خلاتني نقرى
علم البونسوان والملحون
عينيها زادولنا دڨرة؟؟
متجرح ونبات كالممحون
نتقلب ليمين واليسرى
صاهد عقلي طارلي بولون
ساح شعرها ع الكتف ذرى
وبلعاني ورات ذا المخزون
خديها تفاح في العمرة
يشروه الملوك بالدبلون
والا هاذي مشبها تمرة
باعوها تجار فالعرجون
دڨلة نور مصيلة حرة
مهدية من طولقة ولهون
نرهن مالي عليك بالكثرة
ونايف عرشي حسن العون
راني رحت نڨصف الجرة
في خطوتها درت ربع قرون
نتلاوح مدكوس فالنظرة
تلفتلي ورجعت للعربون
ناصح لونو من الذهب صفرة
تلمع وتلالي نقول شكون
هذي بنت مورقة خضرة
واسميتها باينة بالنون
نونة نونة غرستها بذرة
تتهدون واطول كالعفيون
اسيلة الخد...
ليست هناك تعليقات:
إرسال تعليق