الدنيا من شاوها كحلة مرة
خداعة وتزلبخ الجياح بهون
الدنيا مثلتها شبه الصرة
مدسوسة وملمدة قطع الكانون
ماتعرفها لا عظم والا هبرة
لاولدت لا تسقفدت فيها عربون
خبات اسرارها علينا بالنكرة
وحنايا نتنقمشو فيها بعيون
من يعرفها مايقص لها جرة
ويڨيل ويبات منها في قيطون
من يجهلها تقنسه ديما قدرة
يتلهوث ويطيح منها كالمجنون
وانا تبعت الهوى ضي القمرة
قلت انا بالاك فالشعر الملحون
بالاك نعلي من الطوبة دشرة
نسكنها وندير تاقة كالممحون
كي نتغم وتقبض الشاعر عبرة
يكتب ذو لبيات فالنوع الموزون
يا ساهر طول الليالي قي تقرا
لا تنساش تقول من عاشقها كون
... الخ
ليست هناك تعليقات:
إرسال تعليق