✓✓✓✓*** فرج يا فراج *** ✓✓✓✓
01 – سلتــــك يـــا رحيـم وعلينا فرج
ذ العبــــد الضعيــــــف فاجيلــــو لضرار
02 – طـــــال الضُـــر ما لقينالو مخرج
لا غيـــــرك رحيــــــــــم العزيــــز الجبار
03 – هـــم الدنيــا زاد ذ السعــد تعوج
واركبنــــا ذ الهــــم ماعُــــــــدش صبار
04 – حالــي مــا هو حال باقي نتفرج
مــــا بيــن البينيــــــن حايــــر ومحتار
05 – مَرة شمس ربيع على غفلة نثلج
مَـــرة حــر الصيــــف بعجاجـــو وغبار
06 – هفـــوة بالحنضـل بمـرارو نرهج
مَـــرة شهــد عسـل مــن خيــرت نوار
07 – مَـــرة على مَــــرة بحري يتماوج
نهمـــل بيـــن الهــــا و الميـــم يـا حضار
08 – خلينـــي مـن الحــا لا باها يعرج
قاستنــــا لمــواج روينـــا مــــــن لمرار
09 – و مـــرات نقــول خلـــي تتعفج
يـــا حالـــي عييتنـــي واش لــي صار
10 – شفت جرو الذيب يقرا فالمنهج ؟
وصيـــة بــبـــاه فــــــي العــــادة مكار
11 – ولا شفــــت سبـــع ردوه يهرج ؟
حتـــى خـــوه القـط امصاحب الفار
12 – ولا شفت بهيم ملجم و مسرج ؟
يعثـــر مـــن تالـــــي فـــي نص المشوار
13 – اتذوقـت التفاح بمرارت لحدج ؟
حتـــى النخلــــة العاليـــة عصرو لخْمار
14 – ولا شفت الورد يذبال و يخمج ؟
لحـــم الجيفـــة تبـــاع في سوق السمسار
15 – يا همي ماهو حال ذ الدهر تعوج
و عشقنـــا فـــي مرارتــو عمينا من لبصار
16 – تبعنـــا ذ الفانيـــا و ركبنـا هودج
و خلينــــــــاه يسيـــــر هملنــــــا المسار
17 – خليهـــــــا ليــــام راهـــــــا تدرج
ساعــــة على ساعـــــة تهاوضني لضرار
18 – بين البارح و اليوم تخبل المنسج
و تَلَفْنــا مـــن كـــان ساكـــن لينــا جار
19 – يا ربي يـا خالقي سهـــل المخرج
انـــــــا ورفاقتـــــــي وجميــــــــع الحضار
20 – بجاهي من طاف ع الكعبة و عرج
و بجــــاه صحابــــــو و العشـــرة لبرار
21 – و بجــاه القـرآن حروفــو تتنسج
آيـــــة عــــــــن آيـــــــة وجميـــع الاذكار
22 – سلتك يــا رحمــان و علينــا فرج
سلتــك يـــــا رحيــــــم ابجـــــاه المختار
ليست هناك تعليقات:
إرسال تعليق