حنين صباه
ياحسراه ايام ومراتع تشهد
كي كان البرهان عن حد صوابو
وڨرادو حرفين منحوت مقيد
والصغر مواتيه فالسرج ركابو
ماضنيت يبرم الخيطو ويمد
ودڨ الروحو طايعة عند عتابو
عرڨ امحبة في جدورو حتى مد
حافي وسوالف لمحبة كي تابو
ساخف لجراري الروح شرار يردد
بين ضلوع الجوف قاريه جوابو
يا صايد ودي ڨرن لفطامي هد
راكب دوح الموج ومنمات سرابو
يامن تفقه فسر و هذاالمجبد
فك رموز جوف ونحت هذابو
حس القلب ينوح شاعل وموقد
يبكي جالف لمحبة وسنين طرابو
ناري عليه فارس لمحبة لنڨد
باني لزماني شطط وزين سبابو
عاهد لمحبة متابت العين لخد
ولا حاف حنين طيات كتابو.
نويتو صراعي وفي نكابو نشدد
ونحر ذراعي وضيم حط نڨابو
ندى. الشعر
ليست هناك تعليقات:
إرسال تعليق