هدية زوجي بمانسبة
إحالته على التقاعد
عسكري
نهديلك عز السلام ونبايع عسكاري
ونهديلك كلمات تطرب شوق حنين
تعزف وتر الروح وطيب اشعاري
عقار حبيبي ڨاطع مترادف روحين
جيش الحب ريهين طايعة اجباري
يحبي وينابي وين الهربة وين
ناري عليك يا سالب لمحبة ذراري
عاقد سوالف سرفة وشيخنا مكين
شاري لب الجواجي ولخوصة عذاري
مشافها زبون مادخلت سوق الرهين
جبارة في شاو طلوع والقلة بكاري
نكتب عليك ياسلطاني ونزيد دواوين
خلي المكنون يبان وطرافو سراري
الخاثر في ڨاع البير نهديه للبينين
ماكيلوه تجار ولا صيدوه في براري
الحشمة نابتة ف ضلالي وطيبة لدارڨين
بعدك يا عزيزي صعيب الفرڨة كساري
وليت كي خويط النيرة جافيا لبنين
جلدي نافر لعظامي سني مباري
عيني تجفى لوساد ونوم سنين
واش يفيد غيث وبروڨ تشاري
من غير نقلة ولا فدادن معزوڨين
نرجاء زماني ينوب بييام شواري
يهديلي عداد يربي عام شهرين
عشارة عامين ماتشبع جيعان ساري
وماتفك شوڨ قارس نيبانو للحدين
ومايهمد شارد خيل لنجمة الحذاري
ياك البيت ركيزة وڨنطاس متين
واش يصرح لمراعي بلا فحولة ڨهاري
صباح حبيبي ندير مراود للعينين
عشڨو في ملامحي وشمة علاه نذاري
ويسام الرتبة يساوي تاج سلاطين
الفوشي منكبو ذكير يقفز كيداري
ونجمة تلالي ڨمرة ليلة نصفين
هديت الزمان برني وسام فجاري
وبسمة عمري كي نشوف نجم ڨرادين
بقلم ندى الشعر
.
ليست هناك تعليقات:
إرسال تعليق