...... جروح القلب ......
جروح القلب
ملهاش صوت
ولابيحسها الماشى
وروح القلب لما تموت
بكون العشق شىء آسي
ورغم الجوده بالموجود
بيبقى الحظ مش ماشي
لأن الكل لو موجود
فا إنته لوحدك الماشي
بفكر شريد وعقل طريد
وفارد بالهوا شاشي
ويعنى الحب لو موجود
ياتبقى عبد أو راشى
ساعات بنحس بالغربه
مع إن الاهالى كتير
ويبقى البيت كما الطربه
وحبك للمكان دا قليل
وشايف كل أفعالهم
وسامع كل مايقولوا
لكن قاعد متدراشي
لان القلوب باهته
وضحكه صفره
مش سهله
وأقرب حد تأمنله
بعز الشده راح ماشي
وبنفوت كتير ونقول
وقعنا جوه بيت الغول
ماتصبر لزوال همى
وأمسح دمعتى بكمى
وتحلف مهما تحلف
مفيش فايده ولامفعول
لان الطيبه خلاص راحت
ما رجعاشي
جروح القلب
ملهاش صوت
ولا بيحسها الماشي
صحيح الدنيا
شيء وهمى ما دايماشي
......... احمد عامر ..........
ننوه ان ماينشر حق مسجل بالهيئات المنوطه بذلك 0917/2023 س م ب
ليست هناك تعليقات:
إرسال تعليق