نقدر نعفو آه
××××××××
نقدر نعفو آه بس ......خلاص أتبلد فينا الأحساس
وما بقيناش عايزين نعرف ..حاجة عن بعض ناس
الزمن علمنا كثير وظلمونا أقرب ناس من الأساس
سبنالهم الحبل دبحوا فينا..الرحمة وخنقوا الأنفاس
ناس كسروا فينا القلوب ....وداسوا علينا بالمهراس
من حقنا نرد ليهم الطعنة.. وندوس عليهم بالمداس
بس قلوبنا الطيبة بتقبل... العفو وبترسمه بالمقاس
وبترحم الظالم اللى فكر .يمحوا أسمنا من الكراس
وعمرنا ما ردنا اللطمة على....... وجه الغادر الخراس
ولا شمتنا فى حد جار فى يوم علينا ظلمه الخناس
أصلنا بنحب العفو ونفسوسنا نضيفة من الوسواس
بس مانقدرش نرجع ثانى..... لو نطق فينا الخراس
وحياتنا أتقفلت معاهم ........بالضبة وبزر الترباس
نقدر نعفو آه بس........ خلاص أتبلد فينا الأحساس
أديب وشاعر مهندس/ محمد عوض
21/7/2023
ليست هناك تعليقات:
إرسال تعليق