( ورقــــــة بـــــَــــردي )
ــــــــــــــــــــــــــــــــــــــــ
أنا جمــــــله على ورقـــة بردي
في بدايـــة عصـــر الإنســــان
مكتـــــوبه بإصـــــرار وتحـدي
بتعلــــن للظلــــم العصيـــــــان
أنا فعل الماضي إللي زاينكـــم
ومضارع شــــــاهد بيدينكـــم
أنا فعل الأمر إللي في دينكــم
وإتحــــط مكانــــي خبر كـــان
أنا حاصل ضرب عدد مصـــري
كرباج فـــوق ضهـــر الشقيــان
أنا جمله في سطر خبر حصري
بتعــــلن عـــن قهــــر الغلــــبان
أنا حــرف الجر في كلامكـــــم
وأداة النصــــب في أفعــــالكم
أنا كسره واضحه على جبينكم
أنـا فاعــــل مرفـــــــوع بـأوان
أنـا دايـمٱ مبني للمجهــــــــول
وعـــــلامة × أما أخالفكـــــــم
و بكون مضموم ليكم علطول
وعــــلامة ✓ أما أوافقكــــــم
أنـا حرف وساكن في مكــاني
مكســــور بيعــــافر ويعــــاني
منصوب عليه بأغلى معــــاني
مرفوع في الجمله بتشكيلكم
أنا طرح الخيــر أنا من يومي
مقسوم لإتنيــن جوه هدومي
واحـــــد بيجٌمــــع احــــلامي
والتاني بيساوي في همـومي
محمد سيوفى
ليست هناك تعليقات:
إرسال تعليق