غرد يا بلبل
*********
غرد يا بلبل غرد
حواليا من تاني
قربلي ولا تُشرُد
اطربني ثواني
خلي دموعي تسافر
تروح عني بعيد
وأحزاني تهاجر
يجي مكانها العيد
وأنت يازمن ياسقيني الويل
يافارد جناحاتك على ألحان الليل
صالح قلبي إلي انجرح
إلي عمره ما فِرح وآهاته مواويل
غير شكل الواني
السعادة وحشاني
تعبتني الأشجان وليال الحرمان
اشتقت الأمان ولهفة الأماني
يا بلبل صداح ليه صوتك مبحوح
تعبتك الجراح وياك فين ماتروح
مستني الصباح بألم المدبوح
نفسك يوم ترتاح وتهدى توهة الروح
وتعود الأغاني لقلوب بتعاني
وتطيب الجراح ولا تزورنا تاني
الشاعر السيد حسن......
ليست هناك تعليقات:
إرسال تعليق