العين ساهرة وڨاع الناس رڨود
فليلة البارح هزمتني كلمة
حطت فاالجواجي حط الجلمود
واجمار تاڨبة مايطفيها ما
سيف اللسان يجرح لوكان جلود
ولبيب العقل يقرا فالعتمة
يفاصل الشعيرة في عنڨ الدود
ويعلڨ السبول فڨلب النجمه..
لحديث بالمعاني دڨڨو مكرود
وعكة الڨبوري تجيب الحمه
لقبيح بالفضيحة والعيب مدود
وهبيل من وزن لوكانو قجمه
هذا شحال وانا ڨلبي مصهود
ونخاف من جنوني تنتڨ تما
تخلط الحمى فالخضرا و العود
و تحرك الوتد في بيت الحرمه
ونخاف من عنادي برڨه و رعود
يتڨب فالسما ويلهب فالصمه...
و ثااااني...
انا المزن جاري والناس شهود
والغيث في مراحي خير ورحمه
حرة و صابرة منعوتة بالجود
ومضللا احبابي نعت البطمه
عرش الحياء وليمان عليه ڨعود
اهل الشنا ڨمنة جاه و حشمة
هلال فالسماء ماشدوه زنود
مرفوع بالمروءة عز و حكمه
الله ياخالقي اشرحلي دالمعڨود
و سل من كناني صروف الكلمه
انعود في قراني قولي منشود
يبرا من سمع وتزول الغمه
وأجعل بين ناسي شاني مرفود
علام فالسماء ويڨولو سلمى
والحمد ليك ربي عظيم الجود
وصلاة على نبينا بو فطيمه...
...🌹العامرية🌹...
ليست هناك تعليقات:
إرسال تعليق