قلبي شاش مع العڨابي راه جبى
يدّلف ماهوش، عارف واش يدير
سولته ڨداه من خطرة وأأبى
طال سكاته زاد لي ع الحورة حير
يا ڨلبي شد الصراع ليا تعبى
متن في راس اللجام تعود بخير
صور المحنة ماتهده من هبى
و. لا سلاك يسلكك من قاع البير
هذي سبة سبتي هاذي سبة
واسبابي قدام تقرير، المصير،
هي من خلاتني، عنوة نحبى
نعناها ونقول ياما سار يسير؟؟
نعت الصايد ناصبة توري، جعبة
وانا واعدها وعارف واش،ندير،
بنت البيض ما سكنتي بر اربى
ماجيتي ظهرة وما جيتي ليسير،
جيتيني كيما العبرة في الرڨبة
وامشيتي في الدم خليتيه يغير
جاورتي ذيك المهاتف والعڨبة
واقطعتي شق الجبال بلا تفسير
يا بُراق تفكني من ذا الكربة
عجل بيا نعرفك شاطر، واطير،
دير مزية من خصالك بالغصبة
تصفاها وتقول ليها ماهو زير؟؟
هذا شاعر كي السبع ولد اللبة
ماكادوه لطلتك صافي، واقدير،
نعت الصاشم يقسم الڨلب بڨلبة
يتشرتل تغدا شلاليڨه في التير
شهلى من عينيك نبدا في رهبة
ندلفق بين المناسو ولد صغير،
خطفت من زين العرب بنت الڨبة
وسلبت من زين الڨور خفة ومصير
طاح شعرها ع الكتف داير، كبة
يتسارى ويبان ليا خيط حرير،
زينك نونة في الخواتم يتعبى
يتلامع ضي الڨمر، في وقت ابرير
يعكس لون الورد فيها يتسربى
ويتغلث، فيها الڨيز مع الجرجير
نتخلبط نحضى انوع فالكتبة
بابياتي يتخبل الرواي، في الغير،
شعري، واصل تالعين مع الغربة
تيهم عشق الهوى سكنو أوزمير،
منك ولفي حب ليا والصحبة
درتك يا محبوبتي صاحب واعشير
ردت...
بابوراس، محايني شينة صعبة
وانت فالعينين ليا طرف اكبير
نتفكر في مراصمي عندي، نسبة
جل حياتي هاملة وحدي في دير،
مانفعوني لا الطلبة لا طبة!؟؛
لا فكاك يفكني منك بالخير،
لاسق فيا كالمرود في الهدبة
نتلفت نلقى خيالك ليه نشير،
ياوناس، سوايعي، ليك محبة
ما نحسبها مانعد لها تقدير،
غير انت مهبول فاهم ذا اللعبة
وانا مجنونة وعندي،دهر قصير
قلت لها...
يا سوسة وسط العظم زدتي خربة
يا دمعة وسط الجفن مجفاك بسير
اذا كانت شعرت شعري بالرتبة
قي نهجي روحي ونحضا مثل جرير
حبيتك والحب منك ما يلبى
يتفطم وانت لي زدتيه، انفير،
حبي في عينيك سبة في السلبة
والمبلي كي حالتي ع الدهر ضرير
قصيدة انا وهي...... مجارات بين الشاعر
بوراس، الشاعرة نونة
ليست هناك تعليقات:
إرسال تعليق