ربي كريم فاتح بابو ماليه باب؟
وليا بغا برمشة من كان يكون
بابو ما يسدو واحد.
راني رجيت ربي يطفا هاذ العذاب
ويعود بعد حراكتنا سكون
شدة وزايلة تترافد..
هاني على وطاني نكتب ليهاوجاب
راه شكى بهمو ولى مغبون
والناس ع الجمر تتراعد.
السكران ولى صاحي عندو صواب
والصاحي دركم ولى مرهون
سهران ما عبا بالراقد
فالتيكتوك ترقص فرحانة بالسياب
ماهيش عابية بوجها مدهون
صباطها ڨصف متفارد
لبست نص شرميطة طلعت عالركاب
وتغني غنا ع الجيل المغبون
تبكي وبالدموع تعاود
بانو ظفارها كالثعلب حتى الناب
يبقص باين على الشارب مركون
والعين مايلة تتحايد.
والخد درڨت حباتو بان النداب
جبهة مفذخة مليانة فيها ڨرون
والنيف كالوتد متساند
شعرات راسها سدراية تحت التراب
حسكة والحنش يتظلل فيها بهون
الڨراد والنمل وڨنافد
حتى صباعها كالمدرة رقصو الراب
الصاك هازة فيه حجاب عل العيون
هامة بيتتني ڨاعد..
والا زقوق ناضت ليلة طاح السحاب
في ارض خالية ساكنها مسكون
والنو والعجاج يجاهد.
رڨصي ومتعينابالضحك بلا حساب
والتيكتوك قال نفوت الملحون
درڨ ڨصبتك يا ساعد.
التيكتوك تكوك يجي وقت الذباب
نوعر في شوادا حتى صبو مزون
غاب الحيا وغاب الزاهد
والتيكتوك تشهر حتى ولى ق......
تعرف بيك يا مولات الڨيطون
وقتك كان يامس لابد
ماهيش تربية يا بوها هز الرباب
واعزف لحنها علمها فن الفنون
واعلم راه ربي شاهد.
الخ..... متبوع
